Allt of langt síðan síðast...ja hérna! Ég sem sagðist vera komin aftur til að blogga.
En ég ætla allavega að henda inn nokkrum línum svona í tilefni þess að það er komin helgi!!
Búið að vera brjálað að gera eins og venjulega...hvenær er ekki brjálað að gera hjá mér svosem? Jú, ef þú þekkir mig hafðir þú líklegast rétt fyrir þér...ALDREI...
Hundalífið gengur bara ágætlega. Nala er loksins hætt að ögra mér með því að pissa út um allt þó hún væri löngu búin að læra að hún ætti að pissa úti...var víst bara smá að testa mig eða eitthvað svoleiðis... Hún er búin að læra fullt af kúnstum. Í dag lærði hún að heilsa mér en áður var ég búin að kenna henni að setjast, leggjast, rúlla, bíða og gjöra svo vel. Ótrúlega dugleg stelpa, ekki satt?
Þau Fróði eru ennþá óaðskiljanleg. Þau eru ekki ástfangin, ekki ennþá allavega...en þau hafa mjög gaman af að leika hvort við annað, bíta í eyrun á hvort öðru og sleikja hvort annað. Nei...það verða ekki hvolpar hjá þeim ef þú ert að spá í það. Fróði er hreinræktaður og Nala er blendingur og svoleiðis er ekki gott sambland ef Fróði vill fá að eignast hreina hvolpa. Þannig að við Helga getum ekki farið að taka við pöntunum frá ykkur ef það var pælingin...því miður...
En ég var aðeins að vafra á netinu núna áðan og sá þá þetta rosa sæta myndband af hvolpi sem er ekki alveg að fatta hvað spegill er...hehe...
Ja hérna...hvað er að gerast hjá Íslendingum. Ég hefði átt að segja fleiri góð orð um þá áðan...eitthvað eru þeir að missa taktinn núna.
Eitthvað held ég að afi minn sé spenntur þessa stundina...hann fær alltaf svolítið mikinn fiðring þegar HM í handbolta er annars vegar, enda fyrrverandi landsliðsmarkmaður í handbolta. Spilaði með Val á sínum tíma og stóð sig bara mjög vel. Man eftir öllum verðlaunapeningunum hans frá árunum sirka 1945-1955 sem héngu uppi á vegg á skristofunni hans á Vogabrautinni á árum áður...
Maður getur ekki annað en verið stoltur af sínum mönnum þegar þeir standa sig svona vel á heimsmeistaramóti í handbolta. Kannski eru Ástralar bara af einhverjum undraverðum ástæðum á HM, en þeir eru með eindæmum lélegir miðað við Íslendinga. Get ekki annað en brosað þegar þeir (Ástralir) klúðra svona svakalega vörninni og sókninni og Íslendingar leika sér gjörsamlega að þeim eins og þeir séu að spila við áhugamenn...
Vaknaði og leit á klukkuna...hún var 9:25!! Schei**e! -Svaf heldur betur yfir mig...
Sá að Nala var komin uppí til mín...þegar ég fór að sofa var hún í búrinu sínu með dyrnar lokaðar! Hvernig gerðist þetta eiginlega??
Hleypti Nölu út en hún vildi ekki pissa...fór aftur inn. Þar pissaði hún inni í Helgu herbergi, á peysuna hennar og blað sem hún var nýbúin að kaupa, OG á rándýran sófann hans Fróða...hefði ekki getað verið betri staðir og betur tímasett!! (eða þannig...)
Komst ekki í sturtu, hafði ekki tíma til að laga á mér hárið eða pæla í því hvaða fötum ég ætlaði að fara í í vinnuna...henti mér í næstu föt sem lágu fyrir framan mig...auðvitað var soldið mikið af hundahárum á þeim...fór ógreidd og ómáluð í vinnuna og var þannig í allan dag...
Hljóp út án þess að fá mér morgunmat...gleymdi að taka með mér nesti
Var súper þreytt í vinnunni...geispaði endalaust og var ekki alveg að meika daginn svona þreytt og mygluð
Var helmingi lengur að ná öllu sem var sagt við mig...var einhvern veginn ekki að fúnkera í hugsun þennan daginn...
gleymdi mér í hádegishléinu í að tala við leiðbeinandann minn um ýmsa hluti, vildi vinna upp það sem ég hafði misst fyrr um morguninn, þurfti síðan að fara á fund kl 13 svo ég fékk mér engan hádegismat
Kom heim eftir vinnu alveg eyðilögð yfir "útsofinu" mínu, klúðurslegum degi og pissinu á Fróða sófa
Náði ekki að gera helminginn af því sem ég ætlaði mér að gera í dag
Er ekki farin að sofa ennþá þó að ég hafi ætlað mér að fara fyrr að sofa og vera búin að gera miklu meira en í gær...
Þetta er eiginlega ástæðan fyrir því að þessi dagur er búinn að vera ömurlegur. Ég nenni hins vegar ekki að velta mér lengur uppúr því þar sem ég er búin að pústa núna. Ég vil heldur hugsa um að þetta hefði alveg getað verið miklu verra, auk þess sem morgundagurinn á þá meiri möguleika á að vera betri en dagurinn í dag var fyrst hann var ekki alveg sá besti...
Setningu dagsins á Guðbjörg, leiðbeinandinn minn: Hugsaðu bara um það að þú sért vel sofin núna í staðinn fyrir að þú hefðir verið ósofin fyrr í morgun og e.t.v. hvort eð er ekki verið "á staðnum". Gleymdu því sem þú hefðir átt að vera að gera...sá tími er nú þegar liðinn.
Hugsum jákvætt, því þá gengur allt betur! Það er alveg sama hvað gerist, það er alltaf hægt að snúa því á einhvern hátt til góðs!
Það er sko aldeilis búið að breytast margt hjá manni við það að fá lítinn hund inn á heimilið. Það var nú heilmikil breyting þegar Fróði flutti inn með Helgu, en núna er ég sjálf með ábyrgðina á einum hvolpi og það er bara meira en að segja það. Það liggur við að maður sé komin með ungabarn inn á heimilið...snýst allt um þarfir hvolpsins.
Við Helga fórum með þau upp að Rauðavatni í dag í þvílíkum kulda. Ég fraus á puttunum og við báðar á tánum og ég held að Fróði og Nala hafi sjálf verið mjög fegin að komast inn í bíl þar sem miðstöðin var alveg að gera góða hluti þrátt fyrir að hún væri ekki ennþá búin að hitna.
Þrátt fyrir ógeðslega kuldann var voða gaman að sjá þau leika sér saman og Nala þurfti að hafa sig alla við að komast um í djúpum snjónum. Það var snilld að sjá hana hoppa eins og kanína til að komast áfram...Svo er líka alltaf fyndið að sjá Fróða snjóskrímsli þegar hann er búinn að setja trýnið ofan í snjóskafl og kíkir síðan upp. Ég náði því miður engri mynd af því en gæti reynt að setja video clip hérna inn. Veit samt ekki alveg hvernig ég fer að því, en ég reyni...
En allavega...hérna kemur ein sæt mynd af þeim sem ég tók undir stýri þar sem Helga hafði "fullt í fangi" með tvo ferfætlinga í orðsins fyllstu merkingu, eins og sjá má á þessari mynd:
Ég tók síðustu búræfingu dagsins (sjá síðustu bloggfærslu) hjá litlu dýrunum...gekk voða vel fyrir utan pínu væl í Nölu. Eftir búrið komst sko fjör í þau og þau eru heldur betur búin að leika sér að naga hvort annað í tætlur...ja, eða allavega naga hvort annað.
Jæja...ætli sé ekki best að fara að knúsa snúllurnar...
Ég er búin að vera svo "heppin" eða þannig að vera veik síðustu tvo daga svo ég hef þurft að halda mig heima við. Það hefur samt komið sér ágætlega því þá hef ég getað knúsað litlu snúlluna mína og kennt henni ýmsar kúnstir. Það er alveg brilljant að sjá hvað Fróði og Nala leika sér sætt saman...þau eru sko sætust í heimi! Þau skiptast á að sleikja hvort annað, naga lappirnar, kjaftinn eða skottið á hvort öðru og hlaupa á eftir hvort öðru eins og þau fái borgað fyrir það. Það er nottla bara bíó fyrir okkur Helgu sem horfum á og hlæjum reglulega að því hvað þetta sé fyndið hjá þeim.
Núna erum við Helga að búrvenja dúllurnar. Þau þurfa nefnilega að sofa í búri á nóttunni svo þau eigi auðveldara með að vera ein í burtu frá okkur án þess að fá óstjórnlegan aðskilnaðarkvíða. Það gengur þannig fyrir sig að við setjum þau inn í sitthvort búrið, lokum og látum þau bíða þar í a.m.k. 5 mínútur. Á meðan setjum við reglulega litla nammibita inn um rimlana og hendum skó í búrið ef þau væla eða gelta. Það fyndnasta við þetta var samt að við settum búrin fyrir aftan sófann, sátum svo í sófanum sjálfar og hentum nammi inn í búrin aftan frá. Ég hefði viljað sjá þetta á video, þetta leit allavega út fyrir að vera mjög fyndið þegar við sátum í sófanum að passa okkur að þau myndu ekki sjá okkur í gegnum rimlana, vorum síðan tilbúnar með sitthvorn skóinn til að henda í búrið.
Þjálfunin gekk mjög vel svo þetta lofar allt saman mjög góðu. Eftir nokkra daga geta þau e.t.v. verið alein í búrinu án þess að þurfa nammi eða átt á hættu að það verði grýtt skó í búrið...
Eftir þjálfunina áðan voru þau dugleg að kíkja inn í búrin hjá hvort öðru. Þau voru samt sjaldnast alein heldur tróðu sér oftast bæði í sama búrið. Það má t.d. sjá á þessari sætu mynd hérna...
Er ekki kominn tími til að blogga? Ég held það nú bara!!
Ég verð að byrja á nýjustu fréttunum sem eru líka þær allra merkilegustu finnst mér. Ég er nefnilega ekki lengur kona einsömul...og verð það líklegast ekki næstu 10 árin eða svo.
Já...það er spurning hvort ég segi nokkuð meira heldur láti bara þessar myndir fylgja...
Og þá spyr ég núna...hvað á barnið að heita?
Allar tillögur vel þegnar - vinsamlegast kommentið hér fyrir neðan
P.S. Þetta er lítil dama, svo það verða að vera stelpunöfn
Gestabókin mín
Ég mæli með:
meðan þú ert online. 
Tungubrjótar á mörgum tungumálum
Gefðu hungruðum mat (ókeypis)!!
Flugféla Íslands
Símaskráin
Mbl.is
(virkar örugglega bara í dag)...
